撬余思霆牆腳?林欣彤做「雙陪」暗黐Tyrese

20180605
東網電視
更多新聞短片
林欣彤做「雙陪」?余思霆會唔會畀人踩到上心口?!
早前忙於宣傳新歌《忍》的林欣彤(Mag),透露曾在不知情下當了「小三」,最後難忍三角關係而抽身離開。入行以來,Mag只承認與羅孝勇有過一段情,更是分手後才公開,其後曾與陳家樂及天堂鳥成員Gordon傳過緋聞,至今感情生活仍然空白。
同一教練:普通朋友!
不過,東網連日來收到一名讀者爆料,直指Mag暗地裏是「最強小三」!Mag被爆與天堂鳥另一成員Tyrese結伴睇HotCha演唱會,兩人日前還聯同Tyrese的經理人家姐一齊「撐枱腳」,又提到Mag當年有圈外男友的同時卻搭上Gordon,引發被圈外男友「家暴」。
翻查HotCha演唱會的照片,Tyrese與Mag確實在場,同行還有好友馮允嫌及兩名圈外朋友,而Tyrese亦有上載合照開心Share。東網就「小三」傳聞向Mag了解,她說:「我係有同Tyrese睇HotCha,因為同Tyrese、HotCha嘅Crystal都係同一個健身教練,所以教練就Line up大家一齊!(你同Tyrese嘅關係?)普通朋友囉!」Tyrese亦直言只視Mag為朋友:「咁搞笑?真係冇呢件事,同Mag只係朋友嚟。(同女友余思霆情變?)我同霆霆嘅感情冇咩問題喎!(你嘅癡情Fans整蠱Mag?)真係唔知邊個。」又指家姐與Mag食飯時,他也有上載相片分享,覺得該讀者只是講他上載過的事。
余思霆受訪則表示知道男友與林欣彤結伴睇騷,指如果不用工作也會一齊往睇騷:「大家係朋友,唔會呷醋。」
----------------------------
東網巨星開咗ig喇,大家快啲follow啦!