鄧達智揭林燕妮人生哲學：掌握自己儀容
20180605
東網電視
更多新聞短片
鄧達智表示林燕妮的人生哲學滲入了美學，令人矛塞頓開。
香港著名時裝設計師鄧達智為校園時裝騷擔任評判。講到好友林燕妮因肺癌離世，問心情會否受到影響？他凝重地説：「心情係有啲古怪，覺得好震驚，都知佢身體唔係特別好，知道佢走咗都覺得好突然。（林燕妮病之後都唔畀人去醫院探佢？）其實佢連屋企電話都改埋，不過都尊重佢，過去佢都係緊張自己儀容嘅人，佢始終做緊治療嘅時候狀態一定唔係最好，都唔想人哋見到佢呢一面。」
談及對林燕妮最深刻的印象，他表示有次與林燕妮一同出席派對，但林燕妮卻「甩底」：「林燕妮覺得打扮得唔夠完美，佢情願取消唔去。試過有次要頒一個最佳衣着獎畀佢，佢覺得自己嗰晚狀態唔好，都冇出席到，因為唔想人哋見到佢唔好嘅一面。不過佢對生命係一個好熱愛嘅人，佢唔係大富大貴之家，而且佢唔係嫁入豪門，但係佢對儀容嘅要求係超越咗好多有錢人，而佢嘅哲學，係人生變幻無窮，好多嘢都把握唔到，唯獨自己嘅儀容可以去掌握。」
問可知林燕妮身後事安排？他說：「唔係咁清楚，聯絡唔到佢屋企人，佢嘅親人得番個仔，但又未必聯絡到。之前有啲大嘅Party，佢個仔都會一齊出席，但都係覺得好震驚，都知屋企人有呢個record（指癌症），但佢都表現得好正面，我自己都有成半年冇見佢，對上一次見已經係舊年，係一個細嘅聚會見佢，都遇佢唔會出現，但佢都有出現。」
----------------------------
東網巨星開咗ig喇，大家快啲follow啦！