唔係阿爸細佬！麥明詩願為兩位型男賣后冠
20180605
東網電視
更多新聞短片
麥明詩竟然願望為兩個男人賣后冠，佢哋係邊個？
前港姐冠軍麥明詩（Louisa）到葵芳出席香港小姐公開招募活動，講到她在台上謂選港姐後最難忘是可以與靚仔拍劇，她笑言非常仰慕苗僑偉（三哥）：「之前睇《使徒行者》時仲讀緊書，冇諗過之後竟然同佢合作拍《使徒行者2》，以前冇諗過做嘅嘢竟然可以做，細個冇妄想過會同佢拍嘢，估唔到原來自己都有今日。」問到可還想跟哪個靚仔合作？她笑言想與古天樂及彭于晏合作：「可能有一日做到彭于晏阿媽都好，過30年後好難講。」
有意外會變賣
問到為了跟他們合作願意付出甚麼代價？Louisa笑言：「后冠，即係可以將最珍貴嘅嘢攞出嚟。（你個后冠幾多錢？）參考番公司宣傳，應該就係400萬。」問到可會賣其后冠？她表示：「又唔係話真係諗過，但如果我家徒四壁或突然有意外，有必要嘅話都可能有需要，但盡量都唔會，會努力工作賺錢。」
想試唔同造型
而講到她身穿的吊帶連身裙側邊有幾個蠱惑的窿窿，她笑言做足安全措施，亦謂最近開始留意時裝：「因為覺得之前hea得滯，依家學識自己優點同缺點係咩，都會勇於嘗試唔同造型。（想行性感路線？）呢條裙有啲特別剪裁位，別出心裁都幾過癮。」
----------------------------
東網巨星開咗ig喇，大家快啲follow啦！