男神恨拍拖　鄭元暢公開三大擇偶條件

上月出道十五年嘅台灣男星鄭元暢（小綜）憑住高大靚仔嘅形象，成為唔少女士心目中嘅男神，而佢就送自己歐遊3個月作為慶祝出道嘅禮物。不過對於感情生活一片空白嘅小綜，呢日出席活動時，佢坦言會羡慕身邊朋友全都已經結婚，但佢嘅感情就冇咩進展，不過佢就已經有晒拍拖準備。被問及理想對象必須具備甚麼條件時，佢就大方公開三大擇偶條件，分別係「聊得來」、「愛旅行」和「要有空閒、能說走就走」。指要具備「說走就走」嘅另一半，恐怕對方會冇工作，咁樣都無所謂嗎？鄭元暢即霸氣搞笑說：「沒工作沒有關係，我可以養她！」真係盡顯貼心暖男一面，聽到都覺得羨慕呀！希望小綜嘅真愛趕快出現喇！