劇集播放量將破10億 馬浚偉搵定裸照找數

20180607
東網電視
更多新聞短片
定欣及馬浚偉出席「齊心展愛心」活動。

藝人胡定欣及馬浚偉到香港仔出席熱播劇《宮心計2深宮計》「齊心展愛心」活動,與一眾長者同樂。活動上更公布劇集於內地國粵語的播放量已達9.3億,正向10億邁進,首周「七天跨平台總收視」獲得27.8點,是2018年首周收視冠軍。

有信心破10億

定欣與馬浚偉接受訪問,二人笑言有信心明天便突破10億,馬浚偉更說:「今、明兩晚劇情都幾慘痛,好虐心,內地朋友睇先兩集,都話劇情好慘。加上呢兩日天氣唔好,大家留喺屋企睇電視唔好出街喇!」馬浚偉又表示已分別準備好半裸照與全裸照,準備兌現10億承諾,問到想晒全裸還是半裸照?他笑說:「我想晒全裸多啲,不過張相好似未夠1歲,用鴨仔遮住咗重要部位!」定欣聞言亦表示考慮翻番舊照為20億做準備,提到或可拍張近照,馬浚偉笑言或會引起瘋傳!

讚定欣歌舞出色

定欣及馬浚偉除了聯手宣傳劇集外,亦正為舞台劇密密做準備,馬浚偉指定欣歌舞表現好出色,自誇有眼光搵到好拍檔。他表示日前才聽過定欣唱崑曲,覺得對方有水準可以唱現場,定欣則笑言:「我都希望現場唱嘅,大家有期望就唔想令人失望,我對自己都有信心,不過我唱畀佢聽時都冇乜反應,可能佢要求低,我對自己要求就好高。」

將去送別好友

提到馬浚偉的好友,有「香江才女」之稱的林燕妮辭世,並已定於6月26日舉行喪禮,正忙為舞台劇準備的他表示會到場送別好友:「我哋都係基督徒,對死亡有另一套睇法,大家終會喺天家相會,所以唔會太傷感。佢離開之前我哋有見過面,大家傾咗成個鐘,佢當時依然紅粉緋緋,我96年識佢,大家相識超過廿年,我一直叫佢『貴族』,佢就叫我浚偉。」

----------------------------
東網巨星開咗ig喇,大家快啲follow啦!
https://bit.ly/2JjSVcr