變A片？蔡卓妍爆吳慷仁廣東話惹笑話

英皇電影《非分熟女》於舊英皇駿景酒店舉行開鏡儀式，英皇老闆楊受成率領一眾演員蔡卓妍（阿Sa）、台灣藝人吳慷仁、吳浩康、林德信等出席，活動上吳慷仁送上高踭鞋給蔡卓妍，因對方在戲中會大跳鋼管舞，為免送鞋有「嚡嚡聲」之意，蔡卓妍為對方送上利是以作回禮。同場的吳浩康今日正日生日，大會為他送上生日蛋糕慶祝。

談到阿Sa在戲中大跳鋼管舞，她表示已上過幾堂，亦直言幾難，她說：「 我嗰part唔係好複雜，都係排一隻，喺戲入面要做一個階段，又唔識去到識，都有啲轉圈動作！」被問到會否性感演出？她笑指:「係，第一堂上嗰陣時，我着運動型嘅bra top同波褲，點知去到個個都比堅尼。（戲入面會有比堅尼？）都係一啲鋼管舞衫！」她又表示不用keep fit，而且今次是從影以來覺得最複雜的一個角色，至於會否有親熱戲？吳慷仁笑指好多，阿sa則表示與吳浩康，林德信都有親熱戲，並笑說：「唔好戴有色眼鏡去睇，因為戲入面角色我性冷感，我哋都有性治療師喺裏面做心理醫生（指何慕詩）。」

苦練廣東話

吳慷仁被問到會否同場見到阿Sa跳鋼管舞？他表示會看到一場，他飾演生活在香港的台灣人，自己亦為這部電影努力練好廣東話，見他對答如流，而且咬字頗為清楚，他說上個月從台灣一間港人開的茶餐廳的老闆教他，戲入面有九成都是講廣東話，不過阿Sa就爆對方講廣東話幾乎令電影變色情片，阿Sa笑指對方將「唔好喊啦」與「喊出嚟冇事」變成「唔好含」同「含出嚟冇事」阿Sa笑指：「我同佢講你都係講返國語，如果唔係會變A片！」

談到吳慷仁經常與電影拍擋傳緋聞，阿Sa笑指不知道，只知道對方想演打鬥片多過愛情片，至於可會擔心傳出緋聞？她說：「完全唔驚，緋聞幾多係真幾多係假啦！」