細女5歲生日!陸永同大女共食蝦餅勁溫馨

20180613
東網電視
更多新聞短片
Sim Sim 5歲喇~
藝人陸永嘅兩位囡囡Hannah同Sim Sim一向深受大家愛戴,日前就係Sim Sim嘅5歲生日,作為媽媽嘅Reina喺網上晒出為Sim Sim慶生嘅相,開心話:「生日快樂,繼續健健康康做個怕攰但係會幫媽咪做嘢、粗魯但係貪靚、怕嘈但係講嘢大聲、正經得嚟又搞笑嘅開心果啦!#612 #五歲啦 #全家最愛嘅小寶貝」
見到Sim Sim同一個上面有佢個造型公仔嘅兩層蛋糕合照,仲嘟起個嘴仔,不知幾可愛。之後佢仲話生日願望就係媽咪起身煮嘢畀佢食,真係好乖。隨後Reina就上載咗一段家姐Hannah同爸爸食同一舊蝦餅嘅相,溫馨至極,最搞笑係Reina話:「搞到ah Sim又要我陪佢學佢家姐同ah Ba咁食蝦餅,咁樣食嘢好唔過癮囉!#大啖大啖咁食先滋味㗎嘛#搞咁多屎棍#使唔使咁浪漫」所以話阿女永遠都係爸爸嘅前世情人。