三代同堂過節!李家鼎意外爆新抱佗B女

20180613
東網電視
更多新聞短片
鼎爺一家三代同堂慶祝父親節!
藝人李家鼎(鼎爺)外表雖惡,但內心卻有柔軟一面。大仔李泳漢於2016年迎娶Conny後火速誕下仔仔Alfie,一家人早前相約飲茶,提早慶祝父親節,兩歲的Alfie更親手餵鼎爺食叉燒包,令鼎爺甜入心!今年父親節再度傳來好消息,Conny現已懷上第二胎,已佗B五個月。泳漢直言未計劃過生二胎,知道太太再度懷孕時一度緊張,他說:「要擔心負唔負擔到,加上Alfie都兩歲,要準備返學,怕太太會好辛苦!」他又感謝太太放下女強人的身份來做全職媽媽,至於兩個是否夠晒數?泳漢搶住答:「唔得,要生夠三個!」
口快快爆秘密
三代同堂慶祝父親節,鼎爺直言是最好的父親節禮物,問到如何獎勵新抱?他表示仍未決定,但Alfie出世時他就送上一份保險,問到BB的性別時,他則笑笑口表示:「唔講住!」問他會不會「大細超」偏心其中一位孫?他難掩興奮心情表示:「呢粒孫女我一定錫㗎!因為我鍾意女!」說畢連他自己都呆一呆,因為不小心爆了Conny佗B女的秘密!
泳豪未有着落
李泳豪則自爆比哥哥更早知道大嫂懷上B女,一向鍾意小朋友的他幾乎當Alfie是自己仔來錫,今次大嫂佗B女,他直言感到興奮。鼎爺亦趁機問泳豪:「幾時生個孫畀我玩吓?」泳豪則推搪指工作忙碌,要忙為鼎爺打理餐廳,對於感情只能隨緣。
----------------------------
東網巨星開咗ig喇,大家快啲follow啦!