媽媽逆齡生長 同鄧紫棋似足姊妹
20180614
東網電視
更多新聞短片
厲害！厲害！
歌手鄧紫棋（G.E.M.）雖然忙於工作，但係一有時間就會抽空陪屋企人，係名副其實嘅孝順女！呢日G.E.M.就為媽媽提早慶祝生日，佢喺社交網上載多張合照，相中見到鄧媽媽同兩個女大玩唔同嘅影相特效，當中三人不停Key上唔同造型，包括絲帶頭飾、古代妃嬪Look等，其中一張三母女仲齊齊以Rapper造型示人，唔知係咪為即將喺內地說唱比賽節目中做製作人嘅G.E.M.熱身呢？
G.E.M.大晒合照之外，亦有留言向媽媽送上生日祝福：「跟媽媽預先吃生日飯！明顯吃得太嗨⋯⋯第一排：中國有漂亮、第二排：中國新說唱、第三排：我家好智障，哈哈哈，媽媽，祝妳青春常駐！」雖然鄧媽媽一向被指童顏，但係喺呢輯近照中，鄧媽媽似乎又再「逆齡生長」，同兩個女拍埋一齊，真係似姊妹多過母女！
----------------------------
東網巨星開咗ig喇，大家快啲follow啦！