張繼聰晒片　阿女揈頭揈手舞戰張瞻

藝人張繼聰一對寶貝仔女張瞻同埋張靖（Karina）向來深受網友歡受，而身為廿四孝好爸爸嘅佢，平時一有時間同唔使開工嘅日子，就一定會陪伴屋企人！呢日成家人食完飯冇嘢做，張家竟然喺大廳舉行舞會派對，不過只得張氏兩兄妹落力跳舞，但身為座上客嘅張繼聰就睇得好開心，仲拍埋片全程直擊！

見佢兩兄妹望住個大電視係咁跳，當中妹妹Karina仲係咁揈頭又揈手，相當投入，難怪連張繼聰都留言指呢兩兄妹平時應該好大壓力：「食飽飯，最鍾意落Club睇人跳舞，發現依家啲年輕人平時壓力好大。」