新抱慘被屈！薛家燕：我叫佢唔使介懷
20180614
東網電視
更多新聞短片
薛家燕新抱慘被屈。
藝人薛家燕為電台節目擔任主持人，榮升新任奶奶的她，表現相當風騷，頻頻大笑！談到新抱陳素怡被屈流出性愛片，她知道消息並說：「一睇就知唔係啦，唔使問呀，我新抱唔係娛樂圈人，佢唔慣面對呢啲嘢。（有唔開心？）我有叫佢哋唔使理，佢哋依家都唔得閒，開會開到九點先至食晚飯，第二朝又一早去場地，我叫佢哋唔使介懷囉！」
薛家燕指與新抱一起去吃飯時，被街外人頻頻叫奶奶，令她笑到見牙不見眼！不過她表示好攰：「嗰日由朝影到晚，辛苦過拍幾組戲，我擔心大女（石祐珊）會攰啲，因為成個婚禮佢要策劃又要招呼人，佢仲話依家明白點解啲人要旅行結婚，我同佢講你放心，因為我哋係男家，所以先至會咁忙，女家嫁女就唔會㗎啦！」她透露仔仔與新抱仍在忙於準備6月16日的婚宴。
仔仔搞喊賓客
談到當日擺酒，她邀請了不少自己的好友，她說：「我仔上台嗰陣，同大家講佢叫Jackson，就係擔心前輩唔記得佢英文名，哈哈！」又指未見過仔仔石耀庭（Jackson）喊得如此厲害，她說：「徐小鳳、陳寶珠、佘詩曼佢哋都傳訊息畀我，話個仔搞喊咗佢哋，因為好感動，佢又好錫老婆！」她表示16號的婚宴是為了招呼仔仔的朋友，而且大部分由外國留學，笑指到時致詞要中英對照，亦透露婚禮以西式舉行：「佢哋依家去睇場地，因為擔心嗰日會落雨，要入室內。」
準備好戰衣
作為奶奶的她是否已經準備好戰衣出席16號舉行的婚宴？她笑謂：「擺酒嗰日我原本準備咗五套衫，但係淨係着得四套，我話要換第五套衫嘅時候，我大女同我講換唔切啦，要準備送客！」笑指16號當晚可以考慮將第五套衫拿出來着。
----------------------------
東網巨星開咗ig喇，大家快啲follow啦！