吳雨區偉林離職 黎明輝:友好地解除合約

20180614
東網電視
更多新聞短片
黎明輝透露吳雨和區偉林已離職。
亞視今年1月「復播」後至今不足半年,除傳出老闆鄧俊杰「閂水喉」外,亦曾傳出任職CEO的吳雨及營運總裁區偉林轉回本來顧問的崗位,今日復辦「亞姐」啟動儀式上,吳雨和區偉林兩位要員未見蹤影,原來已經離職,首席財務官黎明輝接受訪問稱:「二人已在本月友好地解除合約,未來有機會都會再合作。(點解離職?)佢兩位完成開台任務後,便功成身退。(同財困有關?)當然冇關係,鄧生亦係主要投資者,需要照顧股東利益,會選擇方向投資,所以冇閂水喉呢件事。(兩要員離職擔心影響士氣?)一切係友好氣氛下離開,冇影響到士氣。」
黎明輝亦稱目前亞視債務重組已進入階段,將會向債權人清數,而亞視未來動向,黎明輝更謂:「8月份會有新節目,稍後會有合拍劇及自製節目等,所以會招聘很多人才,亞姐都會有有份參演。(合拍劇之前提及的《我和殭屍有個約會》和《英雄本色》仍會繼續?)《殭屍》唔會拍,但《英雄》都會繼續努力接洽中,並且會努力招攬藝員。(目前亞視旗下有幾多位合約藝員?)有6位包括《百萬富翁》女郎邱雅雯和秦芷瑤等。」
----------------------------
東網巨星開咗ig喇,大家快啲follow啦!