唔敢同老竇講　欣宜跌斷腳感激有陳淑芬照顧

藝人鄭欣宜接受奇妙電視節目《天下第一friend 2》的主持人鄭紹康訪問，來自演藝世家的欣宜自小在眾人目光焦點下成長，她表示當初未有想過從事幕前工作：「我細個好鍾意表演，娛樂人哋令我好有滿足感。但我喺大學選科嘅時候，其實選擇電影製作，打算從事幕後工作。」提到當年以白雪公主造型演出向吳卓羲獻吻，並因此收到過百宗投訴，她坦言：「自己當時係唔識得面對，依家諗番會覺得都處理得幾好。我都冇在意件事，我只係依照劇本演出，都冇收酬勞。第一次演出嚟講算不錯，係有啲生硬，但唱得還可以。」

欣宜當年更安慰出於保護自己而激動回應的父母，她稱雖對事件無在意，但介意之後其他人對自己存在攻擊性。幸而入行前有此經歷，她謂今日不會因同類事情受傷。

欣宜坦言是家中掌上明珠，被家人寵壞，故此從小喜歡靠自己，希望能獨立，她自言明白因父母的人脈關係，令別人誤會她可以得到很多幫助。欣宜謂：「有時會嬲人哋誤解，抹殺我呢10年以來嘅努力。其實我最感激長輩們畀我空間自己摸索，當我成功嘅時候，替我高興。」

欣宜去年生日專誠相約長輩們慶祝，自言個性反叛，長大了更懂珍惜與長輩相處的日子。上年年尾欣宜跌斷腳，要做手術，金牌經理人陳淑芬當時照料在旁，她回想起亦為此感動落淚，欣宜說時不禁淚盈滿眶，她表示當時未有告之父親，自己一個面對其實很害怕，感激陳淑芬一直相伴，又為她下廚煲湯細心照料：「陳太好清楚我性格，從來願意畀我自己闖蕩，冇話過要簽我或者去管束我，對我係無私嘅愛。」