激瘦十幾磅 陳婉衡谷胸露背晒「骨感」美

20180614
東網電視
更多新聞短片
陳婉衡都話咁樣係唔健康要增磅呀!
「無綫咪神」陳婉衡(Alycia)以露背谷胸打扮到尖沙咀出席電影首映禮,雖然性感但亦較早前消瘦,Alycia直言身形變得較「骨感」,認為這樣屬不健康,因此會留意增磅:「可能因為搬屋加上壓力大,瘦咗十幾磅,其實自己都唔覺,但朋友一提就發現肩膊位真係好骨感,於是上磅睇原來得106磅。(咪咪縮水?)好平均咁瘦咗,你睇我面都凹咗,太瘦真係唔好睇。(影響你晒泳裝?)暫時未有時間,我都想等天氣好可以曬太陽,等咗十幾日喇,都好掛住陽光海灘。」問到Alycia是否因為不開心而消瘦?她表示:「依家好開心,早前去咗旅行,同埋去到紐約訪問呢套戲其中六位女演員,雖然只係留咗30幾個鐘,但都有時間買嘢同行吓。(去散心?)去到旅行當然都會開心。」