林欣彤被傳做「小三」　舊愛羅孝勇開口力撐

歌手羅孝勇（Sheldon）到電台宣傳創作新歌《分手合照》，新歌講述分手階段的心情，問到可有加入自身經歷？他坦言一定有，創作時要代入其中：「每一段感情都有佢嘅意思，亦都會令自己進步，可以係下一段感情做得更好。」他又指失戀階段會不斷做運動分散主意力。

講到創作期間會聯想起以往經歷，女友王丹妮可會呷醋？Sheldon甜笑指不會，又指經常作開心歌氹女友：「每個人都有過去嘅經歷，佢知道我更有心去宣揚廣東歌。」問到外國長大的Sheldon可有信心填中文歌詞？他即時耍手擰頭話冇信心，笑話想坐時光機返以前喺香港讀書：「未係好清楚中文字意思，未有呢個能力，但我始終都係香港人，又喺香港市場，無理由唔唱廣東歌。」他又透露9月會再派新歌，屆時除了廣東話版本之外，亦都會有英文、國語版本。

問到可有留意舊愛林欣彤（Mag）被爆做「小三」？Sheldon大方指都有留意，雖然不太知實情，但都有「幫口」回應話：「每一個人去拍拖知情嘅都係得佢哋兩個，我自己覺得唔應該有第三個人嘅意見落兩個人拍拖嘅事上，我都希望佢（Mag）順順利利、開開心心，覺得佢係一個好認真嘅人。」

----------------------------

東網巨星開咗ig喇，大家快啲follow啦！