【再次合作】胡慧沖爆冬蔭妹男友呷醋

「泰國通」胡慧沖（Roger）孖拍檔冬蔭妹現身會展出席旅遊活動，二人均身穿傳統泰國服飾，吸引不少Fans上前影相留念，場面虛冚！受訪時，Roger表示會上台表演唱歌跳舞之外，還帶來最新、未曾曝光的曼谷旅遊資訊。

Roger透露正開拍第四輯的旅遊節目《沖遊泰國》，預期會於8月中播映，又絕對保證不會換走冬蔭妹：「之前唔係佢（冬蔭妹）做就劣評如潮，都係同番佢合作喇，加上香港人又認識佢，見到佢開心啲。」他又大爆冬蔭妹男友呷醋投訴：「有次佢哋嚟香港玩，冬蔭妹行幾步就要同人影相，男友話好似同咗Super Star一齊咁。」曾於節目中扮歌手蘇永康「搞Gag」唱歌的他，笑言好友黎瑞恩叫佢唔好再唱歌，再唱就會變尹光，他表示：「其實我都唔係歌手，都係Just For Fun。」

至於身旁的冬蔭妹就話今次係第二次來宣傳，所以開心又興奮。講到最近她有Post性感泳衣照，她就怕醜話：「都可以嘅，自己鍾意嘗試唔同嘅工作，有限度嘅性感都接受。」此時，Roger就話：「泰國人好保守，同佢游水都包到實一實，成個大媽咁。」