撻着葉玉卿劉曉慶 伍衞國冇拍拖逾10年
20180617
東網電視
更多新聞短片
伍衞國先後撻着葉玉卿（左）同劉曉慶，不過都係分手收場！
現年66歲嘅伍衞國有「伍小生」之稱，1973年佢喺無綫電視藝員訓練班畢業，後來加入無綫。之後佢同關菊英合唱《巫山盟》插曲《田園春夢》即時爆紅，兩人被譽為「金童玉女」！喺2006年時，佢出山同關菊英主持節目《超級靚聲演鬥廳》，有次佢主持時叫現場觀眾投票，大嗌：「支持靚聲…王嘅就請坐低……」點知走晒音，瞬即成為網民熱話！
而愛情方面，佢先後同葉玉卿、劉曉慶公開拍過拖！1987年時，佢同一代性感女神葉玉卿戀上，樣靚身材激正嘅葉玉卿喺1991年拍過露點封面，之後接拍過幾套三級片，但可惜兩人最終分手，三年情玩完！
之後伍衞國同劉曉慶合作時撻着，但最終都係拍咗五年拖，分手原因係因為大家相處得唔開心。喺2014年，伍衞國接受訪問時自爆同劉曉慶分手之後，都冇拍過拖，都有十幾年㗎！
----------------------------
東網巨星開咗ig喇，大家快啲follow啦！