父子情仇　湯美李爆兒子入戒療

昔日性感女神彭美拉安德遜（Pamela Anderson）的音樂人前夫湯美李，日前於父親節撰文唱衰拉姑教壞兩個仔，引來大仔Brandon反擊指他冇資格做老竇，湯美李繼續出招，更大爆Brandon曾入戒療！

湯美於社交網站Twitter公開自己為Brandon花過的費用，包括戒療費用101萬4千港元，上年慶祝他21歲生日派對的31萬2千港元，以及早前爭執後被他打暈入院的醫療費用7萬8千港元。湯美更鬧兒子不孝：「個仔父親節喺社交網站扮晒受害者，真係冇得頂。」

Brandon其後於社交網站Instagram回應，承認接受戒療並多謝父親：「我要多謝老竇幫我畀戒療費用。呢個係佢為我做過最好嘅事。今日我已經戒療成功兩年。我每日都好感恩。保持清醒令我做到好多事。我想同佢講，我願意還返晒戒療費用畀佢。」