約滿同王家衛分手 梁朝偉搵邊個做經理人?

20180622
東網電視
更多新聞短片
梁朝偉離開王家衛的澤東公司,搵邊個做經理人?

影帝梁朝偉(偉仔)今日宣布跟王家衛的澤東電影公司經理人合約屆滿,偉仔透過短訊通知各傳媒:「各位記者朋友大家好,我係梁朝偉,我同澤東電影公司嘅經理人合約已經圓滿結束喇,以後大家有任何工作上嘅需要,可以暫時聯絡我太太劉嘉玲,唔該晒大家。」原來偉仔搵來太太暫做佢嘅經理人。

劉嘉玲回覆東網說:「係呀,冇錯,係最近嘅事,會暫時幫住佢手聯絡。(偉仔同澤東合作咁多年,咩原因離開?)其實好小事,每一份合約總有一日會完,佢冇講咩原因,我尊重佢嘅,佢每個決定我都會支持。」

本身也是大忙人的劉嘉玲還要兼顧偉仔的經理人工作,她說:「咁多年嚟我都係負責搞掂自己嘅工作,冇乜大問題,想搵佢嘅人亦會搵我。(你會幫佢篩選工作?)我唔會,唔好咁諗,因為大家睇法未必一樣,我只係會轉達訊息。」

至於澤東回覆:「1998年梁朝偉先生和澤東公司開始長達20年的旅程,從《重慶森林》、《悲情城巿》,從金馬獎最佳男主角到康城影帝,多少榮耀,多少永恒難忘的瞬間。2018年,我們決定和這個20年的朋友,一起探索新的方向,彼此不再以合約約束彼此,用新的方式,各自邁向新的旅程。」澤東負責人導演王家衛則對此表示:「多年前有一位朋友把梁朝偉託付給我們,多年之後我們把梁先生圓滿地交還給她,一段光榮的歷史,我們不負所託,非常完滿!」


----------------------------
東網巨星開咗ig喇,大家快啲follow啦!
https://bit.ly/2JjSVcr