自駕遊賠償解決　賴彥妤：租車公司接受和解

有「翻版楊秀惠」之稱的模特兒賴彥妤（Vivienna）早前與男友於台灣自駕遊時不幸發生車禍，事後更與租車公司有賠償糾紛，被指拖欠40,000元台幣（下同）的款項。

留有車禍傷口

Vivienna今日孖住許嘉浩（Karl）為網台節目進行錄影，Vivienna膝蓋上有明顯傷口，表示是台灣車禍所傷，並憶述事發經過：「嗰日我哋揸車上山，點知就突然失控撞埋山邊自炒，之後所有隨身物品都困咗喺車入面。」她強調當時是安全駕駛，並指意外後立即報警。

賠償糾紛已解決

Vivienna並表示賠償糾紛已解決，「當時我已經畀咗一筆錢，但之後佢又話要再畀多40,000元，我見冇單據，加上嗰日趕住返香港，所以冇畀到。我一番到香港就搵律師處理，但原來咁啱喺公眾假期，租車公司見冇人聯絡佢哋，所以就喺網上人肉搜尋我，就連我有份銀行正職都知道。（佢哋話你畀假地址？）地址同電話都係真嘅，我之後都有收到佢哋嘅信。」她續指律師聯絡上對方後隨即已匯款，租車公司方面亦已接受和解，並在網上澄清事件。

而Karl指節目已開到第三季，並指今次再有新突破：「之前Vivienna做街訪，問啲男觀眾幾時破處，又去睇成人展，真係好大膽。」Vivienne則指以健康角度出發，故不會覺得尷尬。