【無悔早婚】姜大偉看透生死：火化灑掉就得

藝人姜大偉在電台錄音訪問中，提到太太李琳琳於2011年證實患癌，他直言兩人早已看透生死，他直言：「老婆有病，就算普通傷風咳嗽，我都會擔心，更莫講話係初期嘅癌症，絕對係擔心，但老婆反而安慰我！接受化療嘅過程，佢係好痛苦，依家康復，都係太太肯接受治療。我哋兩公婆，其實對死亡唔係咁驚，因為大家都知道人必有一死，分別只係邊個先走啫。就算離世都好，都唔使擔心死後放喺邊，有冇人去拜祭，我哋嘅想法都一致，死後只需火化然後灑掉就得喇。」

姜大偉與李琳琳是圈中模範夫妻，但1994年姜大偉回港拍TVB劇集《再見亦是老婆》，當時與周嘉玲傳出緋聞，姜大偉一度傳出婚姻亮紅燈，他說：「點解要嬲呢啲？我唔理人哋講咩，有呢啲傳聞，證明我拍呢部劇演得好！」他與李琳琳1974年結婚，他承認早婚，但就表示無悔：「我同你講，當年冇狂蜂浪蝶你都唔信啦！當然有，但好彩嗰時我真係好忙，太多嘢做。我同太太相識嘅時候，我係邵氏（演員），佢係國泰演員，大家根本唔識，但佢同我屋企人好熟。有一次我哋有個朋友結婚，我哋係個宴會識嘅，可能呢啲就係叫做一見鍾情，所以就開始，一發展就發展咗四十幾年。係好早結婚，但嗰時怕咩，結就結囉，加上我哋嗰時係奉女成婚，有咗依蘭咪結婚，我又唔覺得結婚會對我有咩影響！」姜大偉與李琳琳是圈中模範夫妻，但1994年姜大偉回港拍TVB劇集《再見亦是老婆》一度傳出婚姻亮紅燈，JOHN哥說：「為甚麼要嬲這些？我不理人家說甚麼，有這些傳聞，證明我這拍部劇演得好！」