莊思敏自貼物業做愛巢:最緊要唔好瞓街

20180623
東網電視
更多新聞短片
莊思敏指男友冇樓揸手都唔緊要,最緊要唔好瞓街同對佢好就得喇!

藝人莊思敏出席東日日本物業顧問活動,佢話喺香港有兩層樓同一間鋪放租,海外就冇物業,佢覺得香港樓巿咁貴,所以喺時候諗吓喺外地置業:「我鍾意日本同泰國,自己唔住都可以放租,遊客區都應該好安全。(有冇遇過租霸?)咁又冇遇過租霸,香港法律保障都ok,租客有畀按金,整壞咗嘢,可以扣按金,反而畀屋企人同朋友住仲唔好,所以有海外物業係唔會畀人知,要保持秘密。(香港會唔會再買樓?)好難再買,太貴。香港買一個車位可以喺日本買兩個單位,泰國買到四個。(搵男友都要多樓揸手?)唔使,對我好就得,最緊要佢唔好瞓街。(瞓你度就得,介唔介意攞個物業做愛巢?)如果啱嘅話,可以。」