蘭子Crystal反目成仇　驚爆同利承武已分手

在網上與陳淑蘭（蘭子）展開罵戰的Crystal，據知與不少圈中人亦相當熟稔，包括剛註冊結婚的鄧達智，之前更孖住蘭子一同出席飯局。由於Crystal打滾飲食界多年，兩年前由好友蘭子游說，過檔幫男友利承武打理旗下餐廳，直至有人恃住關係，不時在飲酒後「搞事」，就好似嫌法國餐廳嘢食唔好，要外賣隔籬意大利餐廳嘢食喎！又不時事頭婆上身，教訓餐廳員工。但好姊妹相勸不成，結果反目成仇！事後傳到男友耳中，成為分手導火線，但女方一直想再挽留呢段感情，所以不時搵機會就聯絡男友，亦從冇向外透露分手一事。

Crystal接受傳媒訪問，她直認當日是蘭子叫她幫手，講到反目原因，她不願多說。蘭子指有人順手牽羊，Crystal形容為笑話，只因關乎一部製冰機，強調有人不知詳情就亂咁講。Crystal說對於蘭子的指摘，自認行得正企得正，沒有甚麼好怕，並說：「我會跟你玩到底！」