鄧達智爆料！Crystal在場　陳淑蘭會避席

陳淑蘭與Crystal本是相識的好友，兩人有不少共同好友，包括時裝設計師鄧達智，所以經常一班朋友gathering，身在歐洲度蜜月的鄧達智回覆東網說：「大家未必熟Crystal，但佢喺飲食界頗有地位，係義氣靚女，蘭子雖然選港姐後未曾大紅大紫，但係個人見人愛開心果。佢兩個喺朋友圈中都頗受歡迎，當然希望免傷和氣。（點解蘭子話人家賊？偷咗佢嘢？）只能當戲言，童言無忌。」問到會否做和事老？他說：「好難，Crystal好幫到利先生手，蘭子心理已唔舒服，因為大家都係熟朋友，近期Crystal在場嘅約會，蘭子都拒絕出席。」

而李蕙敏（Amanda）在蘭子的甫文有留言：「OMG」，蘭子有回應表示掛念她，Amanda說：「我同蘭子好耐先見一次，有時都會約食飯，但唔係好密。（知佢同朋友喺網上罵戰？）吓？我見佢留言，你知佢乜都講，我仲以為好似我以前一個做咗8年工人最後發生嘅唔愉快事件類似嘅事，我完全唔知咩事。」