麥美恩原來好煮得:傻婆都會下廚㗎!

20180623
東網電視
更多新聞短片
麥美恩,勁嘢!

《美女廚房》新一集參賽者是麥美恩(Mayanne)、黃智雯(Mandy)及菊梓喬(Hana),試食嘉賓則有王浩信、伍允龍及何遠東,起初Mayanne被視為大冷門,不過她廚藝原來有板有眼!

第二個環節三女被安排炮製白鱔加素肉,Mayanne先炸再炒,成功拋鑊,她更風騷得邊煮邊跳舞,引得哄堂大笑!至於Hana原來廚藝最屎,見到白鱔已經手足無措,完全捉不到上枱,更嚇到想喊咁款!Mandy則自爆用「失傳秘方」整鱔,更即場大耍虎鶴雙形拳,希望取悅功夫了得的伍允龍。

之後到試食環節,Hana的作品被一致劣評,第一Round已拎負分,今次稍有進步取得1分、2分等低分數,最終成為本集「地獄廚神」!至於Mayanne的作品爆冷被狂讚,主持蕭正楠食到高潮眼,張振朗更發表愛的宣言:「如果我90歲未娶到老婆,我會考慮你,你都係女神!」大廚嘉賓更笑言想請Mayanne,最後大部分嘉賓都給予9分至10分的高分,Mayanne感覺得眼濕濕說:「其實傻婆都會下廚㗎!」至於Mandy的作品亦食到一眾嘉賓LamLam脷,得到大部分10分,個個讚近乎完美,Mandy喊住說:「我上呢個節目緊張過拍戲,希望大家知我除咗拍戲,都可以認真去做一件事。」最後Mayanne以總分十分之差稍勝Mandy,成為今集美女廚神。