東方日報C1：容祖兒劉浩龍翻撻暗撐枱腳

「龍兒戀」自2012年公開認愛後，一度被外界視為「女尊男卑」關係而不被看好，但祖兒為愛情甘願放下身段，全情投入師兄的懷抱。好景不常，早前有指祖兒為全力照顧病愈的媽咪，忍痛地於去年底決定跟師兄分手，其後有傳兩人藕斷絲連。今年4月師兄開騷時，獲祖兒儼如「女主人」般撐場，事後更在社交網撰文力撐對方，關係耐人尋味，並傳出兩人復合消息。祖兒日前生日，蔡卓妍、鄭希怡與謝霆鋒等一班好友出海為她開Party慶祝，當時師兄亦有現身；直到前晚，兩人被目擊撐枱腳，相信「龍兒」已正式翻撻！

摸酒杯底傾「蜜」偈

據現場食客爆料，祖兒與師兄於晚上8時許現身餐廳，獲安排坐在餐廳的暗角位置，開了一支酒兼邊食邊傾，期間見她不時甜甜笑。食至尾段，餐廳職員捧着點有蠟燭的甜品到他們的枱上，齊齊吹蠟燭，估計是師兄為祖兒補祝生日！雖然醉翁之意不在酒，但兩人所揀選的餐廳亦大有來頭，該意大利餐廳至今已連續六年奪得米芝蓮三星級，主打白松露、黑松露菜式，其肉眼牛排及小牛排亦是招牌菜，環境甚有浪漫情調，適合慶祝紀念日。

撐足兩個多小時，「龍兒」於晚上11時才離開，撐完枱腳的祖兒明顯嘴角含春！兩人原本並排而行，但當見到記者在場即刻意彈開，相隔兩個身位前後腳行，被撞破好事的祖兒亦「變臉」收起笑容，步出商場外並一同登上她的七人車離開。司機先送祖兒返香閨，然後再送師兄回貝沙灣寓所。

做定Gym食米芝蓮

另外，師兄前日上午在Instagram的限時動態上載健身照片，並留言：「一個鐘消耗500幾個卡路里，再跑5Km消耗400個卡路里，再加埋我冇食過早餐，我今日可以食好多嘢！」可見他當日明顯有備而來，準備與祖兒到米芝蓮餐廳食好嘢。

更多新聞，請瀏覽東方日報網頁：

http://orientaldaily.on.cc/