《深宮計》播放量破24億　張文慈大方晒床照

無綫熱播劇《宮心計2深宮計》收視節節上升，到目前為止，網上已經衝破24億播放次數，果然氣勢如虹！其中喺劇內飾演「汪司膳」嘅張文慈，就話要發放粉絲福利賀一賀佢。佢喺微博晒出同劇中上司「章尚宮」謝雪心嘅床上合照，仲留言：「㳟（恭）喜＠宮心計2深宮計雙語播放率已達衝破24億了！祝繼續節節上升！哈哈～咁算不算是一張古代床上照福利呀？」

雖然口講係床照，但睇落就似照「騙」多啲！因為相中佢與謝雪心真係着好晒古裝服，就咁坐喺床上影合照。係就係冇乜驚喜，不過勝在有心，所以網友都話：「咁都得？好啦！收貨了，兩位都好好戲，又靚女！」仲有人話：「看來以後尚宮之位非你莫屬！」