陳潔靈學生多猛人：霆鋒13歲我就睇佢唱歌
20180627
東網電視
更多新聞短片
陳潔靈的學生在現今樂壇都是天王天后，而霆鋒13歲時，陳潔靈就睇住佢唱歌。
歌手陳潔靈為7月假演藝學院舉行演唱會綵排，她與二胡家霍世潔及小提琴手Ichimaru Ayako一同排練，唱出《今晚夜》及梅艷芳的作品《蔓珠莎華》，並展示24年前的宣傳海報及今次個唱的海報，原來都是來同一個攝影師操刀，有異曲同工的感覺。
問兩張海報的陳潔靈為何都同樣合埋眼？她解釋：「就係去到演唱會先張開眼，用自己嘅心迎接世界。」今次除以歌手身份演出外亦兼顧監製一職，她認為不辛苦，反而是學習的機會，談及為鼓手所設的透明鼓房時她說：「要4,000美金（約3.1萬港元），貴過劏房。」
問可有請嘉賓？她謂：「今次係講個人嘅成長歷程，所以冇請其他歌手做嘉賓，留番下次開紅館先，到時先請晒啲學生嚟，咁霆鋒13歲我就睇佢唱歌，學友、阿倫、林欣彤，容祖兒……單係學生都夠開一個月做個學生巡禮。」
----------------------------
東網巨星開咗ig喇，大家快啲follow啦！