蘭子發功　Crystal逐點擊破：我輸經驗

藝人陳淑蘭（蘭子）繼「引狼入室論」後，再在網上爆seed稱「狼人」疑借她名義要求拿走酒店的餐枱、屏風、果醬、銀壺及糖等物品，暗示被人「擺上枱」，蘭子在電台受訪時更直言公司已向「狼人」發出警告信要求對方收口，兼已交律師跟進。

幾十萬餐枱 VS 酒店「披」口餐枱

另方面，蘭子昔日好姊妹、在飲食界頗有名氣的Crystal Ho，亦有留意蘭子的文章，提到自己的家的餐具擺設的確會令人仿如置身酒店一樣，她說：「因爲我只買歐洲名牌靚餐具用，但別忘記，我家請客時我仲未入酒店做嘢，我家裏用的餐具於酒店又有何關係？」Crystal說蘭子亦到自己家作客，應該很清楚。她又提供了酒店枱的照片，照片中可見木枱邊明顯「披」了口，有點殘舊：「酒店餐枱不是古董也不是名牌，也很陳舊木邊也披晒口，食物攝晒落啲枱隙度，木椅舊到我成日被投訴勾爛女人絲襪，之前又唔想公司花錢換，最後我用最平方法叫人哋鋪晒白枱布遮醜。斷估佢張枱冇理由靚過我屋企嗰張幾十萬嘅美國名牌訂購回港張BARBARA BARRY餐枱啩？難道我要掉咗屋企張美國名牌8人長大枱，搬張千人客戶餐枱返屋企享用咁笨？」

重申蘭子只係客人身份？

Crystal續表示酒店離埸前因部分物資不便存放，故建議放在大堂，任由員工自取回家，以免浪費，故她坦言不單止取走果醬和糖，還有茄汁、茶葉、咖啡豆、汽水、肉類，連調味料、醬油、麵粉亦有。並重申提到蘭子的身份：「其實嚴格來說，佢當時及現在身份只能説是一個客人身份，公司內部一切這小姐全不知情，也沒有向她交代的理由。」問到有否後悔在社交網上開名指責蘭子？她說：「沒有後悔，只是輸經驗，只能讚對方經驗豐富罷了。」