自認慳妹　菊梓喬罕有吊帶低胸晒骨感美

歌手菊梓喬（Hana）身穿低胸吊帶長裙，與胡鴻鈞（Hubert）出席「全球華語金曲獎」記者會，講到Hana少有地性感，她笑言：「性感呢個字同我拉好遠，覺得性感應該係形容有條件嘅人，我呢啲就係冇條件嘅人。」Hubert則謂性感是指意識上，又笑言不敢亂望Hana，只望其雙眼傾偈。問到Hana為甚麼今日咁性感？她表示是隨手攞條裙出來，問到可有「加工」？她笑言：「唔使，骨感好正！我鍾意A4身材。」問到Hubert較喜歡豐滿還是骨感身材？他笑言：「各有各好，但最緊要都係內在美。」問他喜歡Hana、鄭欣宜還是同性密友許廷鏗多些？他笑言：「全部都鍾意！我夠大愛，冇分性別，無分種族。（男女通殺？）我大愛嘛。」

而講到Hana在《美女廚房》被封「地獄廚神」，她笑言：「最後竟然唔係負分，反而有啲失望，其實我平時有煮嘢，但嗰陣唔知要煮咩，又好短時間，我組織能力又唔好，所以先咁。（驚唔驚影響你嫁人？）唔驚！我仲有其他優點，我唱歌都ok㗎，而且心地好，有愛心，亦節儉。」那問到Hubert如果另一半識下廚可會加分？他表示：「都係，可以成日有煮家飯食，但相唔相處到重要啲。」