惡搞《刑偵》！陶大宇變張小勇玩「車匙」

由藝人陶大宇﹑梁榮忠和郭可盈演出的無綫劇集《刑事偵緝檔案》系列，相隔23年在深宵時段重播，大受歡迎吸引不少觀眾追看，而劇中大宇演的「大勇」和忠仔演的「義仔」這個兄弟組合，成為了廣告商的愛戴，二人收六位數字酬勞，拍網上廣告重現經典。

日前二人再組兄弟班，為一個健康食品廣告拍了一段融入了《刑事》角色及劇情的廣告片，當中大宇演「張小勇」去查案，更親身演繹他最為人談論的「車匙」英文名發音，他將廣告片中的女角Jessica，讀為「車匙ca」，與及再度展現招牌Icon「掩面」動作，相當爆笑，連大宇也忍俊不禁，他笑言：「乜我原來都幾多搞笑經典，好似『車匙』同埋個掩面動作，呢個動作我喺《心花放》做嘅，只係一個設計，冇諗過變成自己個Icon，又咁受談論，拍廣告都話要我做番呢個動作，既然係咁，我都想將呢個咁個人化既Icon娛樂大眾！」

而梁榮忠多年未有演出，今次「復出」，全因老友大宇的關係，忠仔透露已有半退休心態，希望往後時間除做自己喜歡的幕後工作，或遊歷不同地方，以最貼地的形式去享受人生，故幕前演出或訪問，他都興趣不大。但今次在廣告片中，他再以「義仔」出現，跑幾條街都有點氣咳，但面對多年老友又回復生氣，笑個不停，忠仔稱：「《刑偵》飯局我去唔到，但會再約佢哋聚舊！」

----------------------------

東網巨星開咗ig喇，大家快啲follow啦！