涉感情糾紛？Alan@E-Kids被炒：我玩唔起
20180629
東網電視
更多新聞短片
搞到好大件事！
組合E-Kids成員Alan（林詠倫）去年跟前EO2成員Eric（謝凱榮）獲老闆打本開舞蹈學校，分別擔任舞蹈總監及校長。有讀者向東網爆料指Alan遭學校解僱，指他與學校的前老闆娘涉感情瓜葛。
同老闆娘唔熟
Alan接受訪問時澄清：「我同老闆娘冇任何特別關係，人哋有老公，我同佢都唔熟，只係見過幾次，唔好咁玩，我玩唔起。」他坦言未婚妻未知這傳聞：「都驚佢睇唔到唔開心。（佢知你被炒？）知。」
管理層有變動
他表示已在社交網交代此事：「係為員工無理解僱、學費常變而發聲，最後亦被解僱。」並直指公司有新管理層上場，將他及Eric趕走：「其實尋日佢畀信係好平和嘅氣氛，唔明點解會有呢啲新聞傳出！」他直言好多學員為他們抱不平：「啲學費、行政上嘅嘢我冇理過，只知半年內改咗兩、三次，啲學生覺得唔抵。」由於要對學生及他們請回來的員工負責任，他會做到下月底才離開，問他是否得罪人？他笑說：「可能係隊友Tommy同Kasa見我哋冇乜新聞。」
Eric搵新地方再搞
目前在學校兼職的Eric透露該校最近被大公司收購：「佢哋話唔需要我做校長，當然唔開心同可惜，由開張到依家，我哋都落心落力去做。」他笑言跟Alan今年犯小人，但不會放棄傳承跳舞：「我哋會再接再勵，我都係做多一個月，之後呢間學校嘅事唔關我哋事，計劃搵新地方再搞。」
----------------------------
東網巨星開咗ig喇，大家快啲follow啦！