有戲癮！闊太翁嘉穗想做舞台劇

前港姐翁嘉穗以東華總理身份出席舞台劇慈善首演場，她坦言平時甚少看舞台劇，問到會否有興趣作幕前演出？她說：「可以考慮，睇性質，但唔知做唔做到，因為拍劇我都冇乜試過。（想拍劇定係做舞台劇？）我冇研究過，但應該係舞台劇好玩啲，因為係現場，拍劇要好長時間。（使唔使老公批准？）都要同佢傾，佢冇所謂，但我有兩個仔，細仔又比較細。」

講到暑假，她稱會一家人同越南旅行，之後會陪大仔到波士頓入讀大學，問到會否捨不得？她笑言：「暫時都冇乜，我自己都係十幾歲就去外國讀書，離開家人會獨立得快啲，對佢成長係好事，而且依家有FaceTime好方便。（你係咪緊張媽咪？）我唔係，佢之前同班同學去咗蘇梅島玩，佢都冇乜點搵我，不過冇搵反而好，有事先會搵，我都係隔兩、三日先問吓佢。今次旅行有男有女，二十幾人。」問到大仔有沒有拍拖？她直言：「佢話冇，我冇深究，唔會冇機會，但會唔會好認真呢，我都叫佢有都唔使太認真。（有都唔使帶畀你見？）我都想見吓佢，想知佢係咩人，佢啲朋友我都識晒，都係健康做運動嘅人。」

----------------------------

東網巨星開咗ig喇，大家快啲follow啦！