遭家人反對 吳紫韻自爆為入行放棄學業

20180702
東網電視
更多新聞短片
吳紫韻為咗演藝之路毅然放棄澳洲大學的碩士學位。

名模Cara G.師妹吳紫韻(Purple)除了是模特兒的身份外,最近更擔任無綫經典節目《美女廚房》中的美女學徒,引起網民關注。雖然Purple的演藝之路發展看似一帆風順,不過有得必有捨,皆因最初她毅然放棄澳洲大學的碩士學位,選擇幕前工作,更因而與家人有所爭執:「佢哋最初唔太體諒我,都拉鋸咗一段時間,因為當時我喺城大讀完公共行政,之後就去咗韓國exchange讀韓文,加上apply澳洲大學嘅master degree又收咗我,所以佢哋覺得我應該讀埋master先,加上覺得我讀咁多書,可以試多啲其他嘢。」最重要的是其父母認為娛樂圈複雜兼需要承受很大的壓力,故非常擔心女兒。不過Purple依然堅持自己的決定,花了一段時間不斷游說父母,終成功讓她放手一試,更變成她的「最強後盾」。

近日Purple在節目《美女廚房》中的《極速新奇料理》環節,炮製生蠔棉花冰,味道強差人意,還令主持林盛斌(bob)和蕭正楠「噴不停」,她說:「bob同蕭正楠一見到就話好臭,食咗一啖就噴番出嚟,仲話好難食,本身佢哋仲畀得好低分,但因為我哋肯食番自己嘅食物,先加番啲同情分。」


場地提供:CÉ LA VI
服裝:tout à coup