性博士論盡AV 馮盈盈挑戰桃谷繪里香
無綫節目《#後生仔傾吓偈》每集都探討時下年輕人關注嘅話題,尺度大膽,而且仲係由兩位敢作敢言嘅港姐馮盈盈、麥明詩加埋陸浩明(6號)擔任主持,佢哋無所不談,所以呢個節目深受青年人愛戴,話晒同聲同氣嘛!

而最新一集就探討「AV成人影片」,6號先問大家認為睇AV有冇好處嘅時候,語出驚人嘅馮盈盈已經表示大力支持,之後仲「性博士」上身,一輪嘴講出唔同AV作品嘅種類,包括護士、空姐、搭巴士、按摩等唔同嘅cosplay同情景,相當專業。有網民討論究竟馮盈盈係開廠前做足功課,定係平日真係有睇開!佢仲自認似AV女優桃谷繪里香,仲叫6號上網搜索吓!

馮盈盈認為男仔睇AV好正常,唔會介意男朋友睇,之後有後生仔就覺得另一半睇AV等於思想出軌,亦可能因而出去「搵飯食」,馮盈盈就大談「食飯論」:「就係佢明明肚餓,都唔搵其他人食飯,自己煮番畀自己食,就係愛你嘅表現!」佢仲話男仔平時自己食飯,到同人一齊食飯時就可以食耐啲添!

網民有話兒

Mxx Cxx Cxxxxg:佢真心係熟😂😂
mxxxxt hxxxxet:fyy係真專家,唔係講笑
Jxxxxy xxm:馮盈盈真係明白事理,做佢男朋友好幸福!
Kxx Cxxu:從未見過港姐係咁 正!!!