韓君婷發生「血案」爆喊：痛到似生仔！
20180707
東網電視
更多新聞短片
流晒血咁做咩事？
星期六放假冇嘢做，留喺屋企有咩好做？藝人韓君婷就選擇留喺屋企搞番個美容日，之後整番個多士獎勵自己。點知搞隻腳時，竟然發生「血案」，剃腳毛時搞到隻腳損晒，真係望見都覺得痛，唔少朋友見到佢搞成咁，都問佢發生咩，佢以英文留言強調只係自己唔小心，唔係自殘，叫大家放心，仲話痛到似足生仔咁：「我本來打算剃毛，不嬲我都唔係太叻，但我竟然唔小心剃損，我唔係傷害自己，只係一個好痛嘅意外，因為似足生仔咁痛，搞到我喊咗出嚟，就連我當時媽媽過身時我都冇喊得咁勁。」
----------------------------
東網巨星開咗ig喇，大家快啲follow啦！