【球來球往】唐詩詠烏身晒線 失守露Bra
20180708
東網電視
更多新聞短片
好彩冇走光！
藝人唐詩詠與伍樂怡到將軍澳出席足球活動，講到世界盃，二人分別表示支持英格蘭和法國！詩詠玩遊戲烏身時更露出事業線及白Bra，非常「胸」湧！而着上露肩裝及短褲的伍樂怡大晒香肩、纖腰及長腿，但同樣失守露出胸墊！
球場「兇」人
受訪時，詩詠自爆小時候唔怕死「兇」人：「鍾意打羽毛球、乓乓波，小學會陪哥哥去踢波，細個會陪爸爸睇波添，不過睇開嘅好似碧咸咁已經冇踢，依家前鋒簡尼係明日之星。（球場上試過暗戀人？）冇喎，反而係我哥提起試過有人嚟打交爭場，我衝埋去同人講『唔好阻住我踢波。』我阿哥即刻抱我走開！」
去澳洲搵男友
她直言擇偶條件要陽光型：「郁吓、做運動嘅會好啲，不過我嚟緊開劇開半年，可能10月去澳洲外景，睇吓有冇適合嘅。（異地情？）只要係中國人同聲同氣就得。（大過你好多呢？）唔會用年齡去衡量愛情。」
抗拒上網識人
談到近日有人於社交網交友受騙，她謂：「我有朋友試過上社交網識人，成功仲結埋婚，不過我嘅性格莫講話上網，面對面介紹個人我識，我都會有啲抗拒，咁我暫時亦未有需要（上網識異性）。」
----------------------------
東網巨星開咗ig喇，大家快啲follow啦！