口快快!黃頌祈爆老婆陳嘉寶大鑊

20180708
東網電視
更多新聞短片
Epaphras以主辦身份出席香港滑水國際賽事。
滑水健將黃頌祈(Epaphras)以主辦身份到大埔出席一連三天的香港滑水國際賽事,太太陳嘉寶(Anjaylia)因要參與慈善活動而未有現身,他說:「佢有玩過滑水,不過佢比較靜,佢支筆好勁,之前出過書,依家都寫緊。」他隨即笑言好像不小心爆了老婆大鑊,因為他不肯定對方的新書在何時推出。
有太太信任
提到有教Anjaylia的姊妹滑水,Epaphras笑指蔡思貝及陳瀅等人不像太太般「防水」:「蔡思貝好鍾意水上活動,又有衝浪底,所以想試滑水。(佢哋啲泳裝好吸引,你大飽眼福?)我係好專業嘅教練,專注喺動作方面,而唔係佢哋嘅身形或者服裝。」問到太太可有禁止他望其好姊妹?他透露大家有開WhatsApp group,太太能夠看到所有照片:「我哋好信任對方。」
奪得第五名
至於這天的賽事,他自言輸給韓國及新加坡隊,只得第五名,但面對本地選手就得到第一:「我哋under香港滑水總會去推動滑水,世界各地嘅選手都會嚟參加呢個香港最大型嘅賽事,主要都係亞洲區,鬥做花式,用滑水尾浪做翻騰同揸板動作,比試邊個最勁。」