耳仔無故發熱 祖兒自嘲更年期
20180709
東網電視
更多新聞短片
可能見到劉浩龍所以耳仔紅？
天后容祖兒一向工作忙碌，之前佢仲話想去台灣跟老師上堂學唱歌添，認真勤力！不過唔知係咪工作太忙唔夠休息，今日佢就喺社交網上載一張文字截圖寫上「我的一對耳朵最近會常常突然間灼熱起來！」最搞笑係佢仲問大家佢係咪提早更年期，之後佢就晒出一張耳仔好紅嘅相，仲話好似熟咗一樣！唔少網民都話祖兒邊有咁快到更年期，仲話耳朵發熱都有好多原因，所以叫佢睇醫生先啦！
好友楊千嬅喺貼文下留言，安慰祖兒話：「不會啦，輪到我都未輪到你啦，我拍戲拍到成個人發熱兼標冷汗、你快啲去醫生那裏check check耳朵先啦。」祖兒見到之後即刻回覆對方，話千嬅呢單真係好「金」！而好友何韻詩就搞笑講話「Yes」，贊成祖兒嘅更年期説法，網民見到後認唔住話佢真係好搞鬼。祖兒好友紛紛留言，有網民居然抵死回覆話「樂壇中女齊腳」，認真斗膽！
----------------------------
東網巨星開咗ig喇，大家快啲follow啦！