大勇哥玩百家樂　陶大宇甩牌勁肉緊

藝人陶大宇主演的《刑事偵緝檔案》早前重播，一連播完三輯，勾起觀眾與網民不少集體回憶，就連對「大勇哥」大宇都相當有興趣。

今日，就有網民上載了一段大宇於澳門賭錢的短片，片段更於網上瘋傳，片中的大宇正在賭明星至愛的百家樂，樣子胸有成竹般，咪晒嘴甩牌甚有信心，似乎大勇哥賭枱情況大勇，有啲着落咁！更有網民看得出廳房更是高額投注廳，亦有網民笑言：「係咪拍緊《刑事偵緝檔案捉老千》？」

而大宇接受東網訪問時被問及此時笑言：「依家咁多賭場都咁靚，咪同啲朋友去玩吓囉！（間房係大額投注廳？）係，但係我自己賭得唔大咪得囉！都係同班朋友去輕鬆吓啫！玩完我哋仲食埋飯先走。」問到坐在側邊的女仔是誰？他指是朋友的女朋友。