女兒聽到爆粗問點解　網民要求曾志豪交代

港台節目《瘋show快活人》主持曾志豪今日在主持節目期間，忘記閂咪爆粗講咗句「ｘ你老味」，主持經驗豐富的他，認真係「老貓燒鬚」！《瘋》的聽眾隨即在《瘋》的社交網專頁展開熱烈討論，短短1小時已經過百個留言，聽眾對曾爆粗反應不一，有已為人父母的就留言話「我個女喺身邊問我，點解可以咁？身教？如何是好，要求交代。」亦有網民指「完全唔覺得你（曾志豪）有悔意咁道歉」更有人叫佢光榮引退。

不過撐曾志豪的聲音都不少，更覺他真心誠意道歉難能可貴，有網民笑言聽到粗口更覺親切，仲可以減壓，不少留言都希望他今次無事，能夠大步檻過。