唔符合港姐標準？蔡優美晒英文唔怕被打擊

今屆港姐尋日去到複試階段，當中有「大肚葉蘊儀」之稱嘅蔡優美成功入圍，引起唔少討論，包括針對佢嘅樣貌及身材，被指唔太符合港姐標準。面對網上嘅負面評論，蔡優美今日喺社交網以英文撰文回應，佢表示唔會畀負能量打擊，為咗家人同朋友會一直堅強同勇敢，相當高EQ！佢亦上載咗多張相，見佢着上低胸裙晒心口，足見自信爆棚！

蔡優美留言意指：「無論我點樣選擇過我嘅生活，依然會有人批判我，但我知道有其他人愛我，永遠支持我。為咗媽咪，為咗我所愛嘅人，我會一直堅強同勇敢，唔會被負能量打擊。我好感激擁有嘅一切，好感謝所有人，無論係支持我定點，都會成為我今次美好嘅體驗。」