分手後有女餵食雪糕 陳家樂自爆失眠
20180712
東網電視
更多新聞短片
陳家樂當店長，吸引大批粉絲捧場。
型男陳家樂到中環當一日店長，除了餵女粉絲食雪糕，更到店外向路人及大批粉絲派雪糕，人氣強勁！
家樂笑言今次接工作很開心，找回不少童年情懷：「有好多童年回憶，我都係同大家一樣飲奶水大，因為我細個都曳，嫲嫲會孭住我返學，又會用雪糕氹我，我會同妹妹、媽咪爭雪糕食，三個人爭兩粒！」提到家樂受廣告客戶歡迎，是否豬籠入水？他直言開心，但工作壓力亦很大，接廣告外又要拍戲及為新片《兄弟班》宣傳，生理時鐘被打亂而失眠。
問失眠是因為與余香凝分手後仍未放下？家樂表示：「冇關感情事嘅，都過咗去。（準備另一段感情？）冇諗啦！生命裏面唔一定要有愛情，可以陪屋企人同專心工作。（陪屋企人時冇被催拍拖？）又冇，佢哋好明白我有過十年低潮，依家可以就專心工作。（封大利是畀家人？）又未，因為呢啲要過時過節有理由咁做，但禮物都有送。」
----------------------------
東網巨星開咗ig喇，大家快啲follow啦！