郭子豪受傷缺席　胡子彤頂上睇錶?飯應

男星胡子彤出席CORUM崑崙表的全新腕錶發布會，活動原有藝人郭子豪，但因發生電磁爐爆玻璃事件，受傷入院不能出席而由胡子彤頂上，「大會搵得我比較急，我同公關係好朋友，夾到時間就出席，又可以睇錶，何樂而不為？加上今日同場見到陳瀅好開心，因為之前大家都合作過。」

與歐鎧淳團聚

胡子彤為現役棒球員，早前為比賽暫停影視工作個半月，雖然八月底要出賽亞運會，因不能停工太久要邊拍電影邊練習，問到豈非沒有時間陪「女飛魚」女友歐鎧淳？他笑言：「佢唔使我陪，佢去咗高雄集訓個半月，星期六會返嚟，佢喺高雄好似去旅行咁開心，但佢係訓練完先去行夜巿。（終於團聚？）係，終於可以見，好期待，星期六撞正uncle（歐鎧淳爸爸）生日，會一齊食飯。」

努力儲錢買錶

講到收藏手錶，子彤表示小時候母親已買錶給他，讓他培養成戴錶習慣，中學時有一枚很喜歡的手錶，但壞了多次，最後修理不了，他笑言希望有多些工作，可以儲錢買錶：「手錶係唔錯嘅投資，而且依家好多智能手錶，好方便做運動。」