才女唔敢當!黃穎君出散文集寫到暈

20180713
東網電視
更多新聞短片
可以圓夢就係開心。
藝人黃穎君熱愛幕前工作,原來亦鍾情文字,讀大學時已寫文作樂的黃穎君,一直希望可在「三十而立」前出書,終在今年書展完成願望,她坦言十分開心:「呢個係大學時期夢想,入面有五十篇文章,其中十篇係我大學時期開始寫,我當年有寫Blog記錄心情。(關於乜?)有關哲學同感受,我好鍾意文字,鍾意嘅程度係舊年仲完成個編劇課程,一路用故事同文字去表達對呢個世界嘅睇法。」
親情最難落筆
萬事起頭難,黃穎君笑言覺得寫書超級難,在途中更要面對不少壓力,但認為一切都值得:「因為本書關係到哲學家同哲學金句,我畀人審批咗好多次,會係咁畀人問個來源,因為老子係用文言文,但我用咗白話文,出版社要求跟番原著,我覺得係壓力嚟。(最鍾意邊個章節?)親情,最難落筆同寫得最耐,因為家家有本難唸的經。」
出版社催再下一城
問到會否乘勝追擊再出下一本書?她笑言:「寫完真係暈暈哋,出版社都叫我出第二本書,但我可能要抖抖。(食住個勢奠定才女形象?)唔敢當,只係想大家認識黃穎君唔單止係做戲,亦有唔同嘅一面。」
場地:有蒸氣海鮮石鍋專門店
化妝:Wing Cheng
----------------------------
東網巨星開咗ig喇,大家快啲follow啦!