簡淑兒初戀畀人Hurt：佢一腳踏三船

藝人簡淑兒（Jessica）到電台宣傳新歌《謝謝你傷過我》，表示這是一首傷感的歌：「講一對情侶分手後仍然記住以前開心嘅回憶，覺得自己畀人拋棄，但其實首歌想講唔需要將自己擺喺咁低嘅位置，應該要搵勇氣企番起身，多謝對方令自己成長。」她又謂以前的歌少女味啲，但這首歌就可以用番自己較低沉的聲線，所以就較舒服：「監製成日笑我老牛聲，覺得我把聲同個人好唔襯，所以成日叫我要高音啲。（咁今次錄音係咪易咗？）又唔係，因為唔慣，同埋呢首歌好重感情。」

Hurt到要食安眠藥

問她最傷感的戀愛經歷是甚麼？她坦言初戀被人hurt得很深：「第一次拍拖係最難忘，對方年紀比較大，好識照顧人，分手係因為發現佢有第二個女仔，點知分咗手之後，仲有另一個女仔打畀我，原來佢一腳踏三船！我好心同嗰個女仔講啦，點知佢同番我個ex講係我講，所以ex就鬧我，好心做壞事！」她坦言此事對她打擊很大：「因為係第一次拍拖，加埋啱啱升大學又忙，又做兼職，所以當時我係瞓唔到覺，要醫生開安眠藥畀我食。（維持咗幾耐？）都有半年，老師都話我成績差咗好多，不過呢件事令我大個女咗，唔會再咁任性同成日發脾氣，所以都想送首歌畀佢聽。」