好事近？JW做待「嫁」司機

歌手王灝兒（JW）與林德信（Alex）到尖沙咀出席Volkswagen新車活動，身兼瑜伽導師的Alex即場示範瑜伽動作。

蜜運中的JW被問到是否經常由男友接載？她表示：「最近自己揸番，想學番啲路，雖然我個車牌都考咗十年，之前一段時間冇揸，過到九龍就好易唔識路。（畀男友笑？）冇呀！我叫佢要好有耐性咁教我，唔可以鬧我，唔係我會唔想揸車㗎，所以佢最近特別有耐性同愛心。」她笑言正值世界盃，為令朋友盡興，會滴酒不沾自封「代駕司機」，被記者取笑做待「嫁」司機即尷尬傻笑。

JW又透露今日獲Alex做「柴可夫」接載到場，二人更在車上Jam歌如唱K一樣熱鬧，Alex笑言有唱自己的新歌給對方聽，問他是否經常載女仔又唱歌？他說：「有呀！我四歲嗰個外甥女，都有唱歌畀佢聽㗎，佢最鍾意卡通主題曲。」問到會否開快車？他直言安全至上，但自認泊車最叻：「可以搞個泊車挑戰賽，斜路都難唔到我。」

----------------------------

東網巨星開咗ig喇，大家快啲follow啦！