旺角踩落銅鑼灣 王菀之全程唔講嘢
20180713
東網電視
更多新聞短片
王菀之全程都唔講嘢。
歌手王菀之（Ivana）在銅鑼灣街頭玩快閃，即場與幾個演員跳默劇舞，宣傳新歌《沉默的士高》。她表示演員扮演她的「聲帶」，他們由旺角來到銅鑼灣表演，但全程都沒有講嘢，用一個沉默的方法表演新歌，她說：「我哋喺旺角行商場、派傳單，同啲工作人員溝通都係用身體動作，因為我哋唔識用手語，初初都擔心喺街度大家反應唔知點，但原來大家都好配合，佢哋甚至會扮埋一份。」
Ivana亦謂全程沒有講嘢幾個鐘：「但都辛苦工作人員，因為佢哋問我飲唔飲水，或會唔會好熱，但我全程都唔答佢哋。（平時都會咁對老公？）我通常係調番轉大嗌，如果我要表達負面情緒會碌地，不過喺結婚之前嘅，試過有一次佢唔畀我陪佢去睇醫生，因為佢驚我病，所以我就碌地、瞓喺地下，跟住幾個鐘之後我就攰啦，所以就如常咁睇番電視，冷靜番個人。」講到她剛才從旺角搭港鐵到銅鑼灣，她透露不時都會與老公搭港鐵。
恭喜李亞男有喜
講到好友王祖藍老婆李亞男宣布有喜，Ivana說：「恭喜晒！我唔知呀。（陣間會Message佢？）唔止呀，或者會去搵佢。（祖藍驚BB身高唔知遺傳爸爸定媽媽？）就算A+B除以2都OK嘅！」
----------------------------
東網巨星開咗ig喇，大家快啲follow啦！