薰衣草園開金口 湯洛雯朱千雪組新Twins
20180713
東網電視
更多新聞短片
喺薰衣草園遇到朱千雪同湯洛雯就係咁！
兩位前港姐湯洛雯（靚湯）同朱千雪近日齊齊飛到北海道拍攝無綫旅遊節目《3日2夜》，其實自從朱千雪去咗讀書之後，都少咗喺幕前出現，今次佢孖住靚湯一齊拍節目，唔少觀眾都話一定要支持，靚人靚景喎！
呢日靚湯同千雪就透過big big channel上載一條佢哋身處喺薰衣草園嘅片段，中見二人帶大家遊覽薰衣草園，最搞笑係靚湯就叫千雪騷得慢啲，驚網民睇唔切，之後千雪話：「唔係呀！我想畀佢哋睇後面啲人。」靚湯問：「點解要喺薰衣草園，畀佢哋睇啲人呢？」千雪答：「因為話畀人知除咗我哋，仲有其他人喺度。」千雪真係可愛！
面對住咁靚嘅藍天白雲，兩位靚女仲大開金口唱Twins嘅經典歌《風箏與風》，兩個仲唱到七情上面，絕對投入，非常開心。相信人在外地心情都好啲，兩個唱唔停，佢哋再唱Twins嘅另一首經典歌《戀愛大過天》，好多網民大讚兩位女神唱得好好聽，令人聽出耳油，仲話佢哋兩個可組成一個新版Twins合唱，相信一樣咁受歡迎，有人仲話想同佢哋一齊去唱K呀！
網民有話兒
CSAAXX MNXX：好期待睇佢兩個嘅節目呀！
QIOPSS TIVXX：千雪真係好可愛！
HYQSD PIXX：估唔到佢哋唱得一手。
PLOX VIXX：兩個可組成一個新版Twins，一定會支持佢哋呀！
----------------------------
東網巨星開咗ig喇，大家快啲follow啦！