處女戰!網紅林小美着三點式做「伴遊」

20180714
東網電視
更多新聞短片
索呀!
身為日本達人的林小美(Cherry)早前遠赴當地為旅遊書取景,換上和服及校服等多個造型。向來密實的她更豁出去,激罕以火辣三點式示人,展現驕人身材。她坦言為着三點式努力搣脂:「兩個禮拜前開始狂做運動,每日做足3個鐘,加上唔食澱粉質,以蔬果為主,最後減咗10磅先敢塞入去件泳衣度。」
性感相刺激銷量
問她拍水着照可有意推出寫真集?她直言未有此打算:「我嘅身材唔算好,加上見到酒店有個靚泳池,所以先影三點式留倩影。未來繼續以旅遊書同相集嘅形式出書,如果今次銷量理想,下本書嘅造型會再突破啲,分享更多性感靚相。」
碌爆人情卡
雖然今次只得數張性感照,但Cherry並不擔心銷量,因她碌爆人情卡搵贊助,未開賣已封「蝕本門」,相當厲害,她說:「我一手一腳搵晒機票、酒店及服裝等贊助,攝影師都收我友情價,好多謝大家咁幫手。依家新書暫時印咗2,000本,贊助加埋網上預購已經回到本。」
----------------------------
東網巨星開咗ig喇,大家快啲follow啦!